Kryetari i AAK-së, Ramush Haradinaj, e quajti mashtrues Kurtin por, ky i fundit ka dhënë një përgjigje interesante ndaj një deklarate të Haradinajt
Kurti, gjatë një interviste për RTV Ora, ka thënë se “Atij besoj i janë ngatërruar fjalët, i është ngatërruar gjuha – ka dashur të thotë që Albinin nuk mund ta mashtrosh”, përcjell Inlajmi
Tutje Kurti ka thënë se pret i qetë deri në shpalljen e rezultatit zgjedhor por ka këtë bindje: “Do të jemi me siguri të parët, do të na nevojitet edhe dikush për partner”.
“Besoj që me fitoren e Lëvizjes VV. Kur ne të dalim të parët do të ketë ndryshime tektonike në të gjitha partitë politike”, tha ndër tjera Kurti gjatë intervistës.
I pyetur se sa e hapur është mundësia për koalicion paszgjedhor, Kurti tha se VV e preferon Lidhjen Demokratike të Kosovës, por duhet të shohim se kush po fiton prej deputetëve. Ai ka shtuar se i vetmi garancion në Kosovë që Partia Demokratike e Kosovës të mbetet në opozitë është fitorja e Lëvizjes VV, s’ka garancion tjetër.
Natyrisht që ne e preferojmë Lidhjen Demokratike të Kosovës, por duhet ta shohim se kush po fiton aty prej deputetëve. Besoj që me fitoren e Lëvizjes VV, kur ne të dalim të parët do të ketë ndryshime tektonike në të gjitha partitë politike. Sepse ndryshojnë kordinatat e situatës. Fitorja e VV nuk është një fitore e zakonshme, pra nuk është ndryshim ministrash, por është ndryshim me “N” të madhe. Është reformim brenda politik, është transformim sistemi, prandaj na kanë vonuar dhe penguar kaq shumë’ ka thënë Kurti. /InLajmi/
