Adermiet e fytyrave të ndryshme në politike kanë marrë dhenë, nga profesione e besime të ndryshme. Si duket nuk do të mbetët profesor e as doktor pa ja mësyrë kësaj rruge . E fundit që po i mësyn politikës është edhe profesoresha Besa Ismaili, profesoreshë e Fakultetit të Studimeve Islame . Ajo sot aderoj në Partinë Demokratike të Kosovës, këtë aderim e bëri të ditur kryetari i kësaj partie Kadri Veseli përmes rrjetit social Facebook, përcjell InLajmi.
‘Sot i urova mirëseardhjen në Partinë Demokratike të Kosovës, Besa Ismailit, profesoreshës së Fakultetit të Studimeve Islame. Lajm shumë shpresëdhënës që edhe ajo iu bashkua luftës time kundër korrupsionit dhe nepotizmit për të krijuar mundësi për gjeneratat e reja’.
Më tutje Veseli thuri lavdata për antarën më të re të kësaj partie.
‘Zonja Ismaili është një zë i njohur në shoqërinë kosovare dhe jetën akademike të Kosovës, duke qenë e angazhuar për më shumë se dy dekada në promovimin e rolit të gruas dhe lirive fetare në shoqëri dhe në përkujdesje për grupet e margjinalizuara të shoqërisë. Ajo ka dhënë një kontribut të çmuar në ndertimin e paqes dhe në promovimin e dialogut ndërkulturor e ndër-fetar dhe prandaj është laureate e shumë çmimeve ndërkombëtare.
Unë jam i gëzuar që ajo e ka gjetur veten tek Partia Demokratike e Kosovës e cila është një parti konservatore e qendrës së djathtë që mbështet vlerat tradicionale të shoqërisë sonë dhe ka vizionin e duhur për të ardhmen e vendit tonë. Ne do të punojmë së bashku, dhe do t’ia dalim që të ndërtojmë një Kosovë të zhvilluar, ka thënë Veseli/ InLajmi/
