Nëse je president, mbretëreshë, perandor, të takon të udhëtosh me makina super luksoze dhe unikate.
Ndërkohë që disa përdorin makina të blinduara SUV, ose vetura (sedan), të tjerë parapëlqejnë limuzinat me trup të gjatë, shëmbëlltyra të luksit.
Presidenti amerikan, për shembull, përdor një limuzinë Cadillac, 1.5 milionë dollarëshe, që ndryshe njihet me nofkën “Bisha”.
Mbretëresha Elizabetë, nag ana tjetër, mori dhuratë një limuzinë të bërë me porosi, nga marka më e njohur angleze, përcjell InLajmi.
Këta janë tetë limuzinat që përdoren nga udhëheqësit botërorë.
Limuzina “Cadillac” e presidentit amerikan, Donalt Trump, quhet ndryshe “Bisha”. Cadillac është një kompani amerikane, degë e “General Motors”, që prodhon vetëm makina luksi. Tregun kryesor e ka kryesisht në SHBA, por edhe në Kanada e Kinë.
Presidenti rus, Valdimir Putin, përdor një limuzinë të bërë nga kompania ruse e makinave të luksit, “Aurus”. Modeli në fjal quhet, jo më kotë, “Senat”
Udhëheqësi i Kores së Veriut, Kim Jong Un, përdor një limozinë nga Mercedes Benz, S600, Pullman Guard.
Mbretëresha Elizabeta ka një limozinë të bërë me porosinga Bentley, dhe quhet “Bentley State Limousine”.
Presidenti kinez, Xi Jingping, përdor një limuzinë nga Kompania vendëse, Hingqi L5.
Perandori Japonez, Naurito, po ashtu ka një limuzinë. Edhe ai e ka nga kompania vendase, Toyota. Limuzina e tij është “Toyota Century Royal”, një makinë që është shitur dhe është përdorur për shumë vite në Japoni edhe nga Jakuza.
Presidenti Kenian, Uhuru Keniata, po ashtu përdor një limuzinë nga Mercedes Benz, Pullman S600.
Familja mbretërore e Marokur përdor një Mercedes Benz 600 Pullman, por të stilit klasik./T.CH.
