Dje në KQZ, janë deklaruar partitë të cilat kanë bërë koalicion në mes vete. Partia Demokratike e Kosovës, ka mbetur e vetme, mirëpo ky fakt nuk po e shqetëson të nominuarin për kryeministër, Kadri Veselin, transmeton InLajmi.
Veseli, ka thënë sonte se është i bindur se do të jenë fitues të zgjedhjeve të 6 tetorit, falë reformave të bëra dhe mbështetjes së madhe qytetare për të dhe për PDK-në.
“Ne do të jemi fitues të padiskutueshëm dhe unë do të jem kryeministër i Kosovës, me mbështetjen e zotit dhe qytetarëve të Kosovës”, ka thënë Veseli.
Sipas tij, partitë tjera kot lodhën që po bëhen bashkë.
“Kot po lodhën që po bëhen bashkë… Me u bo bashkë pasha besën kom me i mujt edhe ma rond”, ka thënë Veseli në emisionin N’Konak që u transmetua në Tv Dukagjini.
Ai po ashtu në këtë emision ka folur edhe për “vijat e kuqe”, duke thënë se ai ka vija të kuqe vetëm për Serbisë dhe korrupsionin, por jo për shqiptarët./InLajmi/
