Kryeministrit në dorëheqje, Ramush Haradinaj, iu është zbuluar pasuria e tij e cila arrin një shifër mjaft të madhe, transmeton InLajmi.
Ai është kandidat i koalicionit AAK-PSD për kryeministër
Haradinaj aktualisht është kryeministër në dorëheqje, pas largimit të tij nga posti i të parit të Qeverisë, më 19 korrik të këtij viti, shkruan lajmi.
Mirëpo, Ramush Haradinaj ka një pasuri të madhe në emër të tij.
Prona, shtëpi, e apartament ka deklaruar Haradinaj në Agjencinë Kundër Korrupsionit gjatë kohës që ishte në postin e kryeministrit.
Haradinaj ka një shtëpi të banimit të cilën e ka lëshuar me qera. Kjo shtëpi kap vlerën e plotë 300 mijë eurove.
Nga qeraja mujore ai merr mbi 6 mijë e 600 euro, teksa në vit kjo shumë arrin deri në 73 mijë euro.
Si mos t’i mjaftonte kjo shumë, Haradinaj merr edhe pension invalidor nga shteti i Kosovës, 225 euro në muaj.
Në bankë, Haradinaj ka hiç më pak se 71 mijë euro.
