Maqedonia dhe Serbia kanë filluar të mos i pranojnë të gjithë refugjatët, veçanërisht ata nga Pakistani dhe Irani, të cilët nuk kanë luftë civile si në Siri, Irak dhe Afganistan. Kjo ka hasur në skena dramatike, ku spikat një foto mes babait dhe djalit të tij, ku ky i fundit i kërkon babait të ndalojë së qajturi.
“Serbia ka filluar nga e Mërkura në mbrëmje, të pranojë refugjatë vetëm nga Siria, Afganistani, Iraku dhe që kanë dokumenta të qarta identifikimi,” tha mes tjerash Melita Sunjic, nga UNHCR-ja.
Po ashtu edhe nga Maqedonia nuk pranohen më refugjatë nga Shri Lanka, Sudani, dhe Eritrea, njofton Jasmin Rexhepi për Bota sot, kryetari i shoqatës joqeveritare Legis. Kjo gjendje është e tmershme, pasi ata duhet të kthehen 3000 kilometra mbrapsht, pa të holla dhe me gjendje të mjerueshme.
“Fotoja mes babait dhe birit të tij, është bërë simbol për ligje të dyshimta që prekin rëndë refugjatët që vijnë nga vendet false,” shkruan tabloidi më i madh gjerman Bild.
Maqedonia dhe Serbia janë vendet kryesore tranzitore të refugjatëve, por pas masakrës së Parisit, ata ndryshuan ligjet për pranimin e tyre./Bota sot
