Majlinda Kelmendi është mposhtur në gjysmëfinale të Kampionatit Botëror “Tokio 2019”, raporton Insporti.com.
Kelmendi në gjysmëfinale humbi luftën ndaj xhudistes japoneze, Abe Uta, në kategorinë -52 kilogramë.
Kampionia olimpike u mposht me Ippon nga kampionia botërore, Abe në “Golden Score”.
Japonezja 19 vjeçare luftoi deri në sekondat e fundit ndaj Kelmendit, kjo e fundit u tregua mjaft e fortë për Abe por një moment pakujdesie i kushtoi me humbje.
Kjo luftë ishte pritur që një kohë pasi të dy xhudistet konsiderohen si më të mirat në këtë kategori dhe kjo ishte përballja e tyre e parë, të cilën e fitoi xhudistja nga Japonia.
Megjithatë, xhudistja 28 vjeçare nga Peja do të ketë shansin që të kthehet në Kosovë me medalje.
Majlinda do të luftojë për medaljen e bronztë ndaj xhudistes portugeze Joana Ramos.
Kujtojmë se Kosovës dje ia solli medaljen e bronztë edhe xhudistja, Distria Krasniqi.
