U.d i ministrit në detyrë të Punëve të Brendshme, Xhelal Sveçla ka reaguar ndaj kërkesës së disa qytetarëve që namazi i Fitër Bajramit të falet në ambiente të hapura, pasi që xhamitë nuk hapen as në ditën e Bajramit, përcjell InLajmi.
Sveçla e ka akuzuar profesorin universitar Milazim Krasniqi se ai qëndron prapa këtij organizimi, por duke mos dhënë më shumë detaje.
“Jam informuar se sot pasdite, një grup “qytetarësh anonimë” po nxit organizimin e një proteste që është kundër vendimeve të MSh-së të marra sipas rekomandimeve të IKSHP-së, dhe në dakordim të plotë me Bashkësinë Islame të Kosovës. Kemi gjithashtu informacione se pas këtyre organizimeve qëndron publicisti Milazim Krasniqi”, ka shkruar ai.
“I ftoj të gjithë qytetarët të tregojnë maturinë dhe vullnetin e plotë për të mos rënë viktimë e politizimit të riteve fetare”, ka shkruar ai.
Një grup i qyetarëve në shenjë paknaqësie për mos hapjen e xhamive në Kosovë kanë vendosur që sot të organizojnë një aksion simbolik për të falur namazanin e Ikindisë në sheshin e Prishtinës./InLajmi/
