Izraeli është “në traumë” dhe për këtë arsye nuk është koha e duhur për të diskutuar një zgjidhje me 2 shtete të konfliktit izraelito-palestinez, tha presidenti izraelit, Isaac Herzog.
Herzog tha se dhimbja e sulmeve të Hamasit në Izrael më 7 tetor, në të cilat u vranë rreth 1.200 njerëz, është ende e freskët në mendjet e njerëzve.
“Ajo që unë dua të kërkoj është që të mos themi vetëm zgjidhje me 2 shtete”, tha Herzog, raporton SkyNews, transmeton Klankosova.tv.
“Pse? Sepse ka një kapitull emocional këtu që duhet trajtuar. Kombi im po vuan. Kombi im është në traumë”.
“Për t’u rikthyer në idenë e ndarjes së tokës, të negocimit të paqes ose të bisedës me palestinezët, duhet të përballemi para së gjithash me traumën emocionale që po kalojmë dhe nevojën dhe kërkesën për një kuptim të plotë të sigurisë për të gjithë njerëzit”, tha ai.
