Komisioni Qendror i Zgjedhjeve ka publikuar listën e qendrave të votimit për zgjedhjet e 23 prillit në 4 komunat veriore, përcjell InLajmi.
Nga KQZ-ja njoftuan se numri i përgjithshëm i qendrave të votimit në këto 4 komuna është 19 me gjithsej 34 vendvotime.
Në njoftim tutje thuhet se lista e qendrave të votimit është përgatitur në bashkëpunim dhe koordinim me organet e sigurisë.
Njoftimi i plotë i KQZ-së:
Ju njoftoj se sot, Komisioni Qendror i Zgjedhjeve ka publikuar listën e qendrave të votimit për zgjedhjet e 23 prillit në 4 komunat: Mitrovicë e Veriut, Zveçan, Leposaviq dhe Zubin Potok.
Në kuadër të përgatitjeve për organizimin e këtyre zgjedhjeve, më 14 prill 2023, KQZ-ja ka miratur listën e qendrave të votimit për këto zgjedhje.
Sipas vendimit të KQZ-së, numri i përgjithshëm i qendrave të votimit në këto 4 komuna është 19 me gjithsej 34 vendvotime, prej tyre 6 janë qendra votimi të rregullta me gjithsej 6 vendvotime, ndërsa 13 qendra të tjera votimi janë alternative me gjithsej 28 vendvotime.
Lista e qendrave të votimit është përgatitur në bashkëpunim dhe koordinim me organet e sigurisë.
Lista e qendrave të votimit për zgjedhjet e 23 prillit është publikuar në ueb faqen e KQZ-së (vegza direkte): https://kqz-ks.org/ëp-content/uploads/2023/04/Lista-e-Qendrave-te-Votimit-per-Zgjedhjet-e-dates-23.04.2023.pdf /InLajmi/
