Ish-deputetja e Lëvizjes Vetëvendosje, Vasfije Krasniqi, ditën e enjte marrë pjesë në seancën e Kuvendit të Kosovës, por vetëm si mysafire, përcjell InLajmi.
Me të hyrë Krasniqi në sallën e kuvendit, të gjithë deputetët e kanë duartrokitur.
ajo ka qenë deputete e kuvendit, por ka dhënë dorëheqje për arsye shëndetësore.
Vasfije Krasniqi para se të fitonte votat për t`u bërë pjesë e kuvendit ka punuar si konsulente për sigurime të ndryshme në kompani të shtrira në tregun amerikan. Si anëtare e Sema Global Netëork dhe e Qendrës Kosovare për Rehabilitmin e të Mbijetuarave të Torturës, nga qershori i vitit 2018 ka marrë pjesë në takime e konferenca të shumta të cilat i janë kushtuar viktimave të dhunës seksuale gjatë luftërave dhe konflikteve, takime këto të cilat kishin karakter senzibilizues dhe avokues.
Ajo ka dëshmuar gjithashtu në Kongresin Amerikan për dhunimet në Kosovë gjatë luftës së fundit. Vasfija ka ngritur zërin për viktimat e dhunës seksuale gjatë luftërave në parlamente të ndryshme, kështu duke u bërë figurë e mirënjohur ndërkombëtarisht për këtë kauzë.
Në saje të aktivitetit të saj sensibilizues dhe avokues për mbrojtjen e të drejtave të viktimave seksuale të luftës, ajo është shpërblyer, mes të tjerash, edhe me çmimin për paqe Kim Bon Dong 2019 në Korenë e Jugut.
/InLajmi/
