Kurti: 6 tetori 2019 është data kur ka nisur ardhmëria

Kandidati për kryeministër në Kosovë nga partia Vetëvendosje, Albin Kurti, është takuar me tri partitë e komuniteteve joshumicë, shkruan InLajmi.

Kurti përmes një postimi në Facebook ka shkruar se pavarësisht rinumërimeve dhe paneleve, është siguruar shumica parlamentare për qeverinë e re.

Ai ka thënë se deputetët e tri partive, Rasim Demiri, Fikrim Damka e Alberta Kinolli do ta votojnë qeverinë Kurti, pa kushtëzime.

Postimi i plotë:

“Në “Ambient” të Prizrenit, pavarësisht rinumërimeve dhe paneleve, u sigurua shumica parlamentare për qeverinë e re. Kryetarët e tri partive të komuniteteve joshumicë, njëkohësisht edhe deputetë të ardhshëm, zotërinjtë Rasim Demiri, Fikrim Damka dhe Albert Kinolli do ta votojnë qeverinë tonë dhe mua si kryeministër, pa kushtëzime.
6 tetori 2019 është data kur ka nisur ardhmëria”, shkroi Kurti.