Të pa kënaqur me rrogat kanë dalë zyrtarishtë edhe Sindikata e Infermierëve të Kosovës ku po kërkojnë që infermierët, mamitë dhe profesionistët e tjerë shëndetësor të paguhen me koeficientin 7, përcjell InLajmi.
Infermerët kanë deklaruar se do të diskutojnë me organet drejtuese, shoqata e institucione tjera për të organizuar marsh protestues.
Këta të fundit thanë se thanë se nuk do të pranojnë opsion tjetër!
Komunikata e plotë nga Sindikata e Infermierëve të Kosovës:
Gjatë ditë së djeshme në media ka qarkulluar një shtojcë me koeficiente të pagave, e pakonfirmuar ku komunitetet infermier, mami dhe profesionist shëndetësor janë ranguar me koeficientë tepër të ulët në krahasim me kategoritë tjera, me ç’rast komunitetet tona janë tronditur nga ky diskriminim i skajshëm.
Është pikërisht ky lloj diskriminimi për shkak të të cilit është shfuqizuar ligji i kaluar nga Gjykata Kushtetuese.
Bazuar në këtë shtojcë mjekët janë të ranguar me koeficient 10.1,
Psikologët klinik 7, Logoped, Teknik të Radiologjisë, Fizioterapeut dhe Mjekësi sanitare 6, kurse infermierët me koeficient 4.7, 4.6, 3.8 dhe 3.7.
Rritja e pagës për disa kategori deri në 100% , ndërsa për infermierë vetëm deri rreth 15% është në mënyre absolute e papranueshme dhe e konsiderojmë zhvlerësim të profesionit në përgjithësi.
Sindikata e Infermierëve të Kosovës duke filluar nga dita e Hënë do mbledhë strukturat e saja, do zhvilloj takime bashkrenduese me të gjitha shoqatat e infermierëve dhe profesionistëve tjerë shëndetësor për koordinimin e aktiviteteve dhe masave sindikale të cilat do i ndërmarrim në kundërshtim të këtyre koeficientëve.
Sindikata e Infermierëve të Kosovës do konsultoj organet e saja drejtuese, shoqata dhe insitucionet tjera përfaqësuese dhe secilin infermier, mami dhe profesionist tjerë shëndetësor për organizimin e një marshi protestues ku do ftohen të gjithë infermierët, mamitë dhe profesionistët tjerë shëndetësor nga e gjithë Kosova, duke vazhduar me protesta ditore, deri në greva dhe bllokim total të sistemit shëndetësor.
Sindikata e Infermierëve të Kosovës
