BMW gjatë vitit të kaluar fitoi epitetin si prodhuesi më i madh i veturave premium në mbarë botën.
BMW dhe Mercedes prej dekadash janë në betejë të ashpër për fron.
Kjo gjë ka rëndësi të madhe nëse “pushtojnë” tregun amerikan, e vitin e kaluar epitetin e prodhuesit premium më të shitur i takoi gjigantit bavarez.
Bavarezët në vitin 2021 arritën të shpërndajnë 336 mijë e 644 vetura në këtë vend, që është 21% më shumë krahasuar me vitin 2020.
Duke marrë parasysh që në Shtetet e Bashkuara, Tesla udhëheq në mesin e prodhuesve premium, kjo kompani është renditur e 2-ta me 313 mijë e 400 vetura të shitura në tregun amerikan.
Vendin e 3-të e morri kompania japoneze Lexus, që blerëve në SHBA gjatë vitit të kaluar, ua shpërndau 304 mijë e 475 vetura, e në të 4-tin ishte Mercedes që shiti 276 mijë e 102 vetura. Audi zuri vendin e 5-të me 196 mijë e 038.
BMW me titullin e prodhuesit më të popullarizuar premium u “nominua” në nivel global.
Bavarezët gjatë vitit të kaluar, në mbarë botën shitën 2.2 milionë vetura, transmeton arbresh.info.
Në nivel global, Mercedes shiti 2,05 milionë vetura – një rëni prej 5 për qind krahasuar me një vit më parë.
