Gjithsej 86.115.401 raste me virusin janë regjistruar deri më tani në mbarë botën
Numri i të prekurve nga koronavirusi i ri (COVID-19) në mbarë botën ka shkuar në mbi 86 milionë.
Gjithsej 86.115.401 raste me virusin janë regjistruar deri më tani në mbarë botën, sipas faqes së internetit “Worldometer”, e cila përpilon të dhënat në lidhje me pandeminë.
Numri më i madh i të infektuarve është regjistruar në SHBA, me gjithsej 21.353.051 raste deri më tani.
Ky vend ndiqet nga India me 10.357.569 raste, Brazili me 7.754.560, Rusia 3.260.138, Britania me 2.713.563, Franca 2.659.750, Turqia me 2.255.607, Italia me 2.166.244, Spanja me 1.958.844, Gjermania me 1.796.216, Kolumbia 1.686.131, Argjentina 1.648.940, Meksika 1.455.219, Polonia me 1.322.947, Irani me 1.249.507, Afrika e Jugut me 1.113.349, Ukraina me 1.078.251 dhe Perjua me 1.019.475 raste, transmeton Anadolu Agency (AA).
Pas shfaqjes për herë të parë në Wuhan të Kinës në dhjetor të vitit 2019, koronavirusi është përhapur në mbarë botën, ndërsa deri më tani jetën kanë humbur mbi 1,86 milion njerëz, kurse mbi 61 milionë janë shëruar.
