Kryetari i LDK-së, Lumir Abdixhiku, ka njoftuar se Ukë Ibrahim Rugova do të jetë pjesë e listës zgjedhore të partisë, me kërkesë të Familjes Rugova, raporton GazetaBlic.
Këtë e konfirmoi gjatë vizitës te zonja Fana Rugova në 81-vjetorin e lindjes së Presidentit Ibrahim Rugova.
Abdixhiku vlerësoi figurën e Rugovës si arkitekt të shtetformimit modern të Kosovës dhe simbol të orientimit perëndimor, duke theksuar se “Presidenti ka vetëm ditëlindje” dhe se trashëgimia e tij mbetet udhërrëfyes për vendin.
Postimi i plotë i tij:
Në ditëlindjen e Presidentit Rugova, pranova me nderimin më të madh kërkesën e Familjes Rugova që Ukë Ibrahim Rugova të jetë pjesë e listës sonë zgjedhore.
Sot, në 81-vjetorin e lindjes së arkitektit dhe prijësit tonë, vizitova zonjën Fana dhe Familjen Rugova. Në këtë vizitë zyrtarizuam dhe përfshirjen e Ukës në garën e radhës.
