Kryetari i Partisë Demokratike të Kosovës (PDK), Memli Krasniqi, ka dhënë dorëheqje nga pozita e tij,
Ai ka deklaruar se vendimi është marrë pa konsultime me ish-krerët e partisë, Hashim Thaçin dhe Kadri Veselin, duke theksuar se ata nuk janë përfshirë në vendimmarrje apo në udhëheqjen e PDK-së, raporton Ekonomia Online.
’Përkundër miteve që kryesisht krijojnë kundërshtarët tonë politikë, zoti Thaçi e zoti Veseli, as nuk janë përzi as nuk përzihen në udhëheqjen e as vendimet e PDK. Këto kanë qenë deklarata dashkëqija, kështu që jo nuk kam pasur diskutime me ta. Sepse ka qenë shumë vështirë ti shohim e ti kontaktojmë. Por ne e njohim aq mirë njëri tjetrin, kam qenë nënkryetar edhe i Thaçit edhe Veselit për kohë të gjatë, kemi bashkëpunuar shumë, nuk besoj dhe shpresoj që s’ka me i befasu. Dhe jam i bindun që edhe sot kur e marrin vesh këtë vendim, ata e dinë që ky është vendim i duhur’’, ka deklaruar ai.
