Kryetari i Partisë Demokratike, Sali Berisha, është shprehur se PD ka në dorë laptopin e patronazhistëve të PS-së.
Komentet Berisha i bëri përmes një deklarate për mediat, ku tha se aty zbulohet veprimtaria kriminale në zgjedhjet e 11 majit.
Berisha shtoi gjithashtu se ata që përpiqen t’u imponojnë shqiptarëve një proces të tillë zgjedhor, gabojnë rëndë,
Pjesë nga fjala e Berishës:
Padi ndaj Celibashit, ai që e ka autorizuar këtë.
Përgjegjësinë ligjore e ka ai që ka autorizuar këtë.
Kërkesa jonë ka qenë e prerë që nuk mund të ketë nënkontraktorë.
Dhe është e shkruar në kontratë që nuk mund të ketë nënkontraktorë.
Dhe në fund, ne kemi dokumente, ua paraqesim këtu të komunikimit të drejtuesve të PS me nënkontraktorët.
Po, po, jemi plot dokumente ne.
Laptopi flet shumë.
Po, po, shkoni në filan vend, merrni në filan vend, fola me spedicierin, i kemi të gjitha, do dalin këto, do shihni çfarë procesi ka qenë.
Dhe ata që përpiqen t’u imponojnë shqiptarëve një proces të tillë, unë mendoj se gabojnë rëndë.
Kjo nuk imponohet më.
Jo çdo gjë mund të them unë. Po i sinqertë me ju, ato që do paraqiten para jush, do jenë edhe nga laptopët e tyre.
Faji i tyre, jo i joni.
Kanë zhvilluar veprimtari kriminale me laptop, shkruan A2 CNN.
Laptopi është mjet krimi për ta.
