Këngëtarja me origjinë nga Kosova, Dua Lipa, Elton John, Ian McKellen dhe Florence Welch janë në mesin e një liste yjesh që i bëjnë thirrje kryeministrit britanik Keir Starmertë përditësojë ligjet e të drejtave të autorit në një mënyrë që i mbron ata nga inteligjenca artificiale.
Një letër e nënshkruar nga më shumë se 400 muzikantë, shkrimtarë dhe artistë britanikë, drejtuar Sir Keir Starmer, thotë se mosdhënia e kësaj mbrojtjeje do të thotë që ata “ua japin” punën e tyre firmave të teknologjisë, raporton BBC, transmeton Klankosova.tv.
Gjithashtu në rrezik, shkruajnë ata, është “pozicioni i Mbretërisë së Bashkuar si një fuqi krijuese”.
Ata duan që Kryeministri të mbështesë një ndryshim në Projektligjin e të Dhënave (Përdorimi dhe Qasja) që do t’u kërkonte zhvilluesve të jenë transparentë me pronarët e të drejtave të autorit në lidhje me përdorimin e materialit të tyre për të trajnuar modelet e IA-së.
Një zëdhënës i qeverisë tha: “Ne duam që industritë tona krijuese dhe kompanitë e IA-së të lulëzojnë, prandaj po konsultohemi për një paketë masash që shpresojmë se do të funksionojnë për të dy sektorët, transmeton Klankosova.tv.
“Jemi të qartë se nuk do të merren në konsideratë ndryshime nëse nuk jemi plotësisht të kënaqur që ato funksionojnë për krijuesit”, shtuan ata,
