Në Këshillin e Sigurimit të Organizatës së Kombeve të Bashkuara u diskutua për situatën e sigurisë.
Në fjalimin e përfaqësuesit të Britanisë së Madhe, u tha se ky vend është mbështetës afatgjatë i pavarësisë dhe sovranitetit të Kosovës.
“Ne jemi me përpjekjet e qeverisë për të përforcuar zbatimin e ligjit, për pronat nga viti 2016 në Deçan. Po ashtu jemi mbështetës të aspiratave edhe për anëtarësimin e Kosovës në Këshillin e Evropës”, tha ai.
Ai theksoi se 2 vendet duhet të jenë të angazhuar edhe për formimin e Asociacionit të Komunave me shumicë serbe.
Britaniku shtoi se “mungesa e një marrëveshje gjithëpërfshirëse për normalizimin e raporteve Kosovë – Serbi, ka implikime negative për rajonin”.
Diplomati tha se edhe Kosova edhe Serbia duhet të jenë të përfshirë në mënyrë konstruktive në dialogun e lehtësuar nga BE-ja, shkruan KlanKosova.
Përfaqësuesi i Britanisë së Madhe në OKB përmendi edhe çështjen e dinarit, e për të cilin tha se kjo duhet të marrë zgjidhje.
