Qytetarët e Zveçanit të premten dolën për të nënshkruar peticionin për largimin e kryetarit Ilir Peci nga detyra.
Ata që e kryen në njëfarë mënyrë këtë obligim, në 10 standet e vendosura pranë postës, po mendojnë se vepruan drejtë.
Shtytje për këtë sipas zveçanasve është edhe numri i pakët i votave që mori Peci.
Për pjesëmarrje më të madhe, po thërrasin edhe organizatorët, e ku duhet të mblidhen 1.411 nënshkrime.
E çfarëdo rezultati që del, atë zotohet ta njohë kryetari që aktualisht po punon nga Kelmendi.
Mbledhja e nënshkrimeve nisi edhe në Zubin Potok. Edhe atje qëllimi është i njëjtë.
Procesin që nevojiten 1.347 nënshkrime shkoi ta vëzhgojë edhe kryesuesi i asamblesë komunale, Vedat Mehmeti, i cili theksoi se gjithçka po shkonte në rregull, shkruan Klankosova.tv.
Grupi iniciues mori në shfrytëzim sallën e sporteve aty, por shkaku i motit të mirë të premten, procesi u zhvillua në ambientet e jashtme.
