Kryeministri i Kosovës Albin Kurti, tha se java e parë e vitit të ri ka qenë java e fillimeve të reja për qytetarët e vendit tonë, përcjell InLajmi.
Kurti ka lsituar disa të mira që i kanë ardh Kosovës në javën e parë të vitit 2024, duke treguar për liberalizimin e vizave, mundësin e udhëtimit me targa RKS nëpër territorin e Serbisë, fillimin e regjistrimit të energjisë elektrike në 4 komunat veriore të Kosovës, dhe njohja e pasaportave të vendit tonë nga Spanja.
Postimi i plotë i tij:
Java e parë e vitit të ri ka qenë javë e fillimeve të reja për qytetarët dhe shtetin tonë. Për herë të parë, mund të udhëtojmë në zonën shengen pa viza. Targave ilegale të Serbisë u erdhi fundi 24 vjet pas çlirimit, e targat RKS u njohën nga Serbia 15 vjet pas shpalljes së Pavarësisë. Filloi regjistrimi i energjisë elektrike në katër komunat në veri të vendit, pas më shumë se dy dekadave. Ndërkaq në prag të 16-vjetorit të Pavarësisë, Spanja iu bashkua shteteve të Bashkimit Evropian që e njohin pasaportën e Kosovës.
Fillimet që po i shënojmë e festojmë tani, janë rezultate të një pune të gjatë e vendosmërie të madhe të institucioneve tona që vazhdon edhe më tej. Falënderoj të gjithë kabinetet politike dhe punonjësit e shtetit dhe qeverisë për kontributin e tyre, dhe partnerët tanë ndërkombëtar për rolin që kanë luajtur. Por më së shumti qytetarët e vendit tonë që na besuan dje dhe që na mbështesin sot e çdo ditë.
Vazhdojmë!
