Kryetari i Partisë Popullore Vuk Jeremiq tha se duhet të refuzohet me vendosmëri dhe qartë oferta e Bashkimit Evropian, BE, e cila kërkon nga Serbia njohjen reale të Kosovës shtet i pavarur dhe në këmbim i ofron asaj një “vazhdim iluzioni” se do të bëhet anëtare e Unionit, transmeton InLajmi.
“Serbia nuk do të pranohej në BE edhe sikur ta njihte Kosovën dhe prandaj duhet të refuzojë planin franko-gjerman për pavarësinë e Kosovës dhe të ripërcaktojë marrëdhëniet e saj me BE-në në mënyrë që të përpiqet për anëtarësimi në Zonën Ekonomike Evropiane (ZEE), i cili është i arritshëm dhe nuk kërkon njohjen e Kosovës, tha Jeremiq për televizionin Blic.
Jeremiq vuri në dukje se Partia Popullore është e vetmja parti që refuzon planin “francezo-gjerman” jo vetëm në nivelin e parullave, por ofron një politikë të qartë dhe hapa konkretë për ta arritur këtë pa dëmtuar në të njëjtën kohë marrëdhëniet ekonomike me BE.
“Serbia duhet të kërkojë ripërcaktimin e Marrëveshjes së Stabilizim-Asociimit me BE-në dhe ndarjen e integrimeve politike dhe ekonomike. Integrimi ekonomik po, por integrimi politik jo, sepse po kërkojnë që ne ta njohim Kosovën, gjë që është e papranueshme”, tha Jeremiq.
Jeremiq, i cili është edhe ish-ministër i Punëve të Jashtme, deklaroi se asnjë vend tjetër në Ballkanin Perëndimor nuk do të bëhet anëtar i BE-së./InLajmi/
