Kryetarja e Komisionit për Mbikëqyrjen e AKI-së, Ganimete Musliu, pas takimit me drejtorin e Agjencisë së Kosovës për Inteligjencë Petrit Ajeti, ka deklaruar se gjatë takimit është biseduar siguria në vend pas sulmeve terroriste në Banjskë, raporton InLajmi.
Ajo , ka theksuar se jemi të gjitha në një mendje se siguria e vendit do të jetë mbi interesat partiake.
Tje ështԯ shprehur Musliu se AKI-ja së bashku me forcat e rendit kanë qenë në krye të detyrës në mbrojte të vendit.
“Dua të theksoj me bindje të plotë se AKI së bashku me forcat e rendit në krye të detyrës në mbrojte të vendit. E kam potencuar se siguria e vendit është mbi interesat partiake. Kishte pretendim të mbajtjes së tensioneve dhe të krijonte tensione në Kosovë. Anëtarët e AKI e kanë dëshmuar profesionalizmin dhe në bazë të fakteve që janë paraqitur, grupet terroriste kanë hyrë përmes rrugëve ilegale”, deklaroi Musliu.
Musliu para mediave tha se Serbia është duke ndërtuar një bazë ushtarake në afërsi me kufirin e Kosovës.
“Janë vërejtur ushtri në kufi, është konfirmuar se në zonën e njohur e Izovorit, po ndërtohet një bazë ushtarake. Por, kjo po ndërtohet në afërsi me kufirin me Kosovën. Pamjet me dronë kanë konfirmuar këtë. Gjendja e sigurisë është e brishtë dhe e tensionuar, duhet të jemi të kujdesshëm ndaj çdo provokimi të mundshëm”, është shprehur deputetja Musliu.
