Papa Françesku në mesazhin e tij tha se qeveritë evropiane duhet të bëjnë më shumë për t’u kujdesur për migrantët që kalojnë Mesdheun, duke thënë se “ata që rrezikojnë jetën e tyre në det nuk pushtojnë, ata kërkojnë të mirëpriten”.
Gjatë një takimi me peshkopët dhe të rinjtë nga i gjithë Mesdheu në qytetin francez Marseille, ai tha se migrimi është “një realitet i kohës sonë, një proces që përfshin tre kontinente rreth Mesdheut dhe që duhet të qeveriset me mençuri, dhe duhet të marrin një përgjigje evropiane”.
Vërejtjet e Papës, iu drejtuan edhe Presidentit Emmanuel Macron, qeveria e të cilit planifikon masa më të ashpra për të kontrolluar emigracionin.
Papa gjithashtu u duk se peshonte mbi politikën e brendshme franceze, duke synuar dy nga projektet e Macron-it për vdekjen e asistuar dhe futjen e të drejtës për abort në kushtetutë.
Të moshuarit rrezikojnë të “shtyhen mënjanë, nën pretendimet e rreme të një vdekjeje dinjitoze dhe “të ëmbël” që është më “e kripur” se ujërat e detit,” paralajmëroi Papa Françesku, shkruan abcnews.
Ai foli gjithashtu për “fëmijë të palindur, të refuzuar në emër të një të drejte të rreme për përparim, që nuk është asgjë tjetër veçse një tërheqje në nevojat egoiste të individit”.
