Partia Socialdemokrate ka mbajtur aksion simbolik para Ministrisë së Shëndetësisë, derisa në oborrin e Ministrisë ata kanë hedhur letër higjienike e kanë vendosur fotografi, kjo si reagim ndaj kushteve të mjerueshme në spitale, raporton InLajmi
Donjetë Demolli, nga kjo parti, tha se ministri ka zgjedhur që mos të dal nga zyra që të merret me problemet në shëndetësi, prandaj edhe ia kanë sjell këto fotografi.
Ajo ka shtuar se gjendja në spitale është shqetësuese dhe se qytetarët ka rrezik që nga papastërtia të sëmurën e infektohen në vend se të shërohen.
“Pasi që ministri nuk po del nga zyre kemi ardhur të ja sjellim këto fotografi me fakte për gjendjen në spitalet në vend. Edhe me ftuar me pa gjendjen në terren, e kur te sheh gjendje nuk mundet pa ndërmarrë hapa. Gjendja është shqetësues e banale, aty ku qytetarët shkojnë me u shërua, ka mundësi me u sëmurë”, u shpreh Demolli.
Sipas saj ministria ende nuk e ka pregaditur tenderin për mirmbajtjen e QKUK-së
“Ministri nuk e ka përgatitur tenderin për mirëmbajtjen e QKUK-së e spitaleve. Nëse infrastruktura në këtë institucione është e keqe, çka mund të presim. Ka radhë të gjata për intervenime, ka mungesë të barnave, ka mungesë të aparaturave. Ministri po punon që përmes udhëzime adminsiative që t’i fuqizojë spitale private, ku ka punuar më parë”, deklaroi Demolli
