Ministri i Administrimit të Pushtetit Lokal, Elbert Krasniqi tha se institucionet e Kosovës nuk duhet të brengosen për kërkesa për dorëheqjen e kryetarëve të komunave veriore që vijnë nga Beogradi, raporton InLajmi.
Krasniqi tha se për të mundësuar zgjedhjet e parakohshëm në atë pjesë ata veç se kanë marrë masat duke hartuar edhe Udhëzimin Administrativ, duke shtuar se zgjedhjet në veri do të mbahen veç me peticion.
“Kosova është palë konstruktive në këtë procesi, ne i kemi tashmë 2 herë nga 25% të Policisë nga objektet e komunave, e kemi Udhëzimin Administrativ i hap rrugë peticionit të qytetarëve për largimin e kryetarëve, këto janë veprime të vullnetit të mirë të Qeverisë”, u shpreh Krasniqi.
Sipas tij nuk ka asnjë autoritet të drejtë të kërkoj dorëheqjen.
“Nuk ka asnjë autoritet që mund të kërkojë dorëheqjen, ai është akt moral. Unë kam vazhdueshëm takim e kryetarët e komunave, ata e kanë mbështetur procesin e peticionit dhe ata mendojë se kjo është demokracia dhe ne duhet të përkujdesemi për demokracinë e jo për dëshirat e kujtdoqoftë. Dorëheqja e kryetarëve është kërkesë e Beogradit, ne nuk jemi këtu që të brengosemi se çka mendon e çka kërkon Beogradi ne jemi këtu si institucioni të përkujdesemi për demokracinë”, u shpreh ministri Krasniqi./InLajmi/
