Shefi i Grupit Parlamentar të Partisë Demokratike të Kosovës PDK Abelard Tahiri, pas mbledhjes së Kryesisë tha se në takimin e 14 shtatorit Kosova nuk do të ketë avantazh për shkak të masave të vendosur nga SHBA-ja dhe Bashkimi Evropian, raporton InLajmi.
Tahiri foli edhe për takimin e kreut të Qeverisë, Albin Kurti me presidentin serb Aleksandar Vuçiq, ndërsa theksoi se në këtë proces Serbia është në avantazh.
Sipas tij, Kurti në dialog është treguar shumë jo transparentë.
Tahiri deklaroi se partia e tij ka synim që ta rrëzoj Qeverinë dhe se në këtë legjislaturë nuk do ta votojnë asnjë marrëveshje, ligj apo rezolutë të Qeverisë Kurti.
“Përderisa jemi të sanksionuar kemi disa masa të vendosura nga BE e SHBA nuk mund të flasim për avantazhin e Kosovës. Nuk shkon Serbia e sanksionuar, por Kosova shkon e sanksionuar, ky është një dëm që Qeveria i ka shkaktuar Kosovës”, u shpreh Tahiri.
Ndërsa foli për dialogun, Tahiri tha se Kosova epo dëmtohet me masat e vëna nga BE, prandaj edhe duhet të marrim masa.
“Kurti në këtë proces e karakterizon një mos transparencë. Kosova vazhdoj rrugëtimin e saj të izoluar fatkeqësisht dhe në e kemi angazhimin që të ja shkurtojmë jetën kësaj Qeverie.Efekti si rezultat i këtyre masave di ta shohim në vitet në vijim. Pasojat ne do t’i vuajmë edhe në vitet e ardhshme”, tha ai.
Siç theksoi Tahiri PDK nuk do të votojë asnjë iniciativë në Kuvend.
“Çdo votim i yni do të ja zgjasë jetën kësaj qeverie. Nuk ka as edhe një arsye të vetme që ta ndryshojmë këtë qëndrim. Ne nuk e votojmë as një iniciativë në Kuvend të kësaj Qeverie, asnjë marrëveshje ndërkombëtare asnjë ligj as rezolutë asgjë tjetër”, tha ai./InLajmi/
