I dërguari special i BE-së për dialogun Kosovës-Serbi, Miroslav Lajçak, gjatë qëndrimit në SHBA ka zhvilluar takime të rëndësishme, në të cilat është diskutuar edhe situata në veri të Kosovës, përcjell InLajmi.
Se takimet dhe diskutimet kanë qenë të dobishme e ka konfirmuar vetë Lajçak, duke përmendur kështu si të frytshëm edhe takimin me zëvendëskëshilltarin kryesor për sigurinë kombëtare të SHBA-së, Jon Finer, dhe drejtoreshën e lartë për Evropën, Amanda Sloat, për situatën në veri të Kosovës.
“Takim shumë i dobishëm me zëvendëskëshilltarin kryesor për Sigurinë Kombëtare të SHBA-së, Jon Finer, dhe drejtoreshën e lartë për Evropën, Amanda Sloat, mbi situatën në veri të Kosovës, hapat e nevojshëm për de-përshkallëzimin dhe rrugën përpara në Dialogun e lehtësuar nga BE-ja”, ka deklaruar Lajçak.
Postimi i plotë i tij:
Takimi shumë i dobishëm me Zëvendës Këshilltarin Kryesor për Siguri Kombëtare Jon Finer dhe Drejtoreshën e Lartë për Evropën Amanda Sloat për situatën në veri të Kosovës, hapat e nevojshëm për de-përshkallëzimin dhe rrugën përpara në dialogun e lehtësuar./InLajmi/
