Presidenti i Serbisë, Aleksandar Vuçiq, ka pritur sot në takim deputetin e Bundestagut gjerman dhe anëtarin e Komisionit për Punë të Jashtme, Peter Bayer me të cilin janë diskutuar shumë tema me theks edhe situata në veri, transmeton InLajmi.
Në njoftimin nga zyra e presidentit, thuhet se Vuçiq ka theksuar se Gjermania është një partner shumë i rëndësishëm i Serbisë, jo vetëm në aspektin ekonomik por edhe politik, dhe ka falënderuar deputetin Bayer për angazhimin e tij për t’u njohur njohur me ngjarjet e fundit në Kosovë.
“Për shkak të lëvizjeve të vazhdueshme të njëanshme dhe provokimeve të Prishtinës, pa nevojë situata po përshkallëzohet”, ka thënë Vuçiq, duke shtuar se Kurti po i shmanget përmbushjes së obligimeve të marra.
“Albin Kurti me këmbëngulje po i shmanget përmbushjes së obligimeve sipas Marrëveshjes së Brukselit, e cila para së gjithash ka të bëjë me formimin e Asociacionit, që do të sillte siguri për serbët në Kosovë . “Presidenti Vuçiq tha se Serbia mbetet e përkushtuar ndaj politikës së paqes dhe stabilitetit dhe bashkëpunimit rajonal”, është shprehur Vuçiq, thuhet në njoftim, shkruan Danas
Tutje vazhdon njoftimi se të 2 bashkëbiseduesit kanë diskutuar edhe për bashkëpunimin ekonomik ndërmjet Serbisë dhe Gjermanisë, duke u pajtuar se bashkëpunimi ka ecur shumë në vitet e fundit dhe se ardhja e kompanive gjermane është konfirmim i mundësive të mira të biznesit që ofron vendi ynë.
