Një makinë e Policisë së Kosovës ka mbetur e bllokuar në mes të turmës së protestuesve në Zveçan.
Siç raporton REL, protestuesit nuk janë duke mundësuar qarkullimin e një makine të Policisë së Kosovës.
Makina duket se është nisur drejt pjesëtarëve të misionit të NATO-s në Kosovë, KFOR, por tani ka mbetur e bllokuar pa mundësi lëvizjeje.
Aktualisht 3 policët janë duke qëndruar në automjet dhe nuk janë duke ndërmarrë ndonjë veprim.
Ndërsa me të kuptuar situatën, numri i atyre që e kanë bllokuar automjetin po rritet. Në Zveçan, Zubin Potok dhe Leposaviq, serbët po protestojnë duke kundërshtuar hyrjen e kryetarëve të rinj shqiptarë në objektet komunale, si dhe praninë e Policisë së Kosovës.
