Presidenti i Serbisë, Aleksandar Vuçiq, ka pritur në takim serbët nga Kosova, të cilët kanë udhëtuar në këmbë deri në Beograd, për të marrë pjesë në tubimin e madh kombëtar “Serbia e Shpresës”i cili do të mbahet të shtunën, transmeton InLajmi.
Ndërsa i përgëzoi për vullnetin e tyre, Vuçiq tha se ndihet krenar por edhe mirënjohës për mbështetjen që po i japin Serbisë.
“Jam krenar që kam mundësinë t’i falënderoj këta njerëz për mbështetjen e tyre, jo për mua, por për shtetin e Serbisë. Jam krenar që edhe përkundër presioneve ju ruani vatrat tona dhe kujdeseni për vendin tonë pafundësisht”, u shpreh Vuçiq, shkrua Pink rs.
Kujtojmë se më 17 maj, një grup serbësh nga Leposaviqi, Mitrovica Veriore dhe pjesë tjera të Kosovës të veshur me bluza me mbishkrimin “Për Serbinë, për Vuçiqin, serbët nga Kosova” u nisën në këmbë drejt Beogradit duke udhëtuar 300 kilometra për të marrë pjesë tubimin në “Serbia e Shpresës”. /InLajmi/
