I pari i Komunës së Drenasit Ramiz Lladrovci njoftoi se përkrah marshin e organizuar nga platforma “Liria ka emër”, përcjell InLajmi.
Lladrovci i ftoi edhe qytetarët e kësaj komune që të marrin pjesë në këtë marsh ku dhe falënderoi kompanitë e transportit të Drenasit për ofrimin e autobusëve falas për pjesëmarrjen në marsh.
Më tej ai tha se “Marshi për drejtësi” është dëshmi se liderët e luftës dhe paqes, nuk janë vetëm
Postimi i plotë i tij:
Falënderim
Ftojmë qytetarët e komunës së Drenasit, të marrin pjesë në “Marshin për Drejtësi” i cili mbahet të dielën, më 2 prill 2023, në ora 14:00, në Prishtinë, në Sheshin “Zahir Pajaziti”.
Falëndrojmë të gjitha kompanitë transportuese të Komunës së Drenasit, të cilat kanë ofruar autobus falas për transportimin e qytetarëve të komunës tonë për pjesëmarrje në “Marshin për drejtësi”.
“Marshi për drejtësi” organizohet nga platforma “Liria ka emër” dhe përcjell solidaritetin tonë me Hashimin, Kadriun, Jakupin, Rexhepin dhe të tjerët me rastin e fillimit të gjykimit të tyre në Hagë
Nisja për Prishtinë bëhet nga Stacioni i Autobusëve në Drenas, në ora 12:00.
“Marshi për drejtësi” është dëshmi se liderët tanë të luftës dhe paqes, nuk janë vetëm! /InLajmi/
