Kryeministri i Kosovës, Albin Kurti në 24-vjetorin e masakrës së familjes Berisha, ka thënë se e vërteta kriminale e shtetit të Serbisë, as nuk mund të zhduket, as të harrohet duke i fshehur krimet, përcjell InLajmi.
Kurti tha se e vërteta kriminale e Serbisë nuk mund të zhduket e as të harrohet, kjo është e kaluara jonë e cila nuk kalon.
U përkulemi për forcën e pashembullt të mbijetuarve të vetëm të kësaj masakre, zonjës Shyhrete dhe zonjës Vjollca dhe Gramozit, shtoi ai.
Përkulemi me nderim të përjetshem para të gjithë atyre që u flijuan, i përjetshem qoftë kujtimi për ta, përfundoj Kurti.
Postimi i plotë i tij:
Para 24 vitesh, forcat serbe vranë dhe masakruan 50 anëtarë të familjes Berisha në Suharekë. Mes tyre edhe 11 fëmijë. Pas vrasjeve, rrëmbyen edhe kufomat. Zhdukën kufomat, në përpjekje të zhdukjes të së vërtetës.
Por kjo e vërtetë kriminale e shtetit të Serbisë, nuk mund të zhduket e as harrohet. Kjo është e kaluara jonë e cila nuk kalon.
U përkulemi për forcën e pashembullt të mbijetuarve të vetëm të kësaj masakre, zonjës Shyhrete, zonjës Vjollca dhe Gramozit.
Përkulemi me nderim të përjetshëm para të gjithë atyre që u flijuan.
I përjetshëm qoftë kujtimi për ta!/InLajmi/
