Më shumë se 500 njerëz kanë vdekur në Turqi e Siri, pasi një tërmet i fuqishëm me magnitudë 7.8 goditi Turqinë jugore mengjesin e së hënës, transmeton InLajmi.
Të paktën 284 persona kanë vdekur dhe më shumë se 2.300 janë plagosur në Turqi, sipas nënpresidentit të vendit Fuat Oktay.
Ndërsa në Siri, të paktën 237 njerëz u vranë dhe 639 u plagosën, njoftoi agjencia shtetërore siriane duke cituar një zyrtar të Ministrisë së Shëndetësisë.
Numri i përgjithshëm i të vdekurve në Turqi dhe Siri tani është të paktën 521.
Tërmeti është një nga më të fortët që ka goditur Turqinë në më shumë se 100 vjet dhe dërgoi lëkundje në të gjithë rajonin, duke shembur ndërtesa dhe duke i bërë banorët të vrapojnë në rrugë, shkruan CNN.
Më shumë se 1.700 ndërtesa u dëmtuan në 10 qytete turke, tha zëvendëspresidenti turk./InLajmi/
