Deklarata e kryeministrit të Kosovës, Albin Kurtit për politikanin serb, Oliver Ivanoviq në 5-vjetorin e vrasjes së tij, ka nxitur reagime të shumta në Kosovë, çka edhe ka shtyrë familjet e dëshmorëve që të paralajmërojnë një protestë kundër deklaratave të Kurtit, të cilat i quajnë provokim dhe tentim për të amnistuar kriminelët, përcjell InLajmi.
Thirrjes së kësaj proteste i është bashkuar edhe ushtruesi i detyrës së kryetarit të OVL-UÇK-së Faton Klinaku, i cili shprehu hapur mbështetjen dhe e konfirmoi pjesëmarrjen e tij.
Motoja e kësaj proteste që do të zhvillohet të hënën do të jetë “Kryeministër, mos na shkel në gjak! Stop, devijimit të historisë!”.
Postimi i plotë i tij:
E mbështes protestën dhe do të jem pjesëmarrës në të. Kërkoj që të mbështetet edhe nga ju.
____________________________________________
Të indinjuar thellë me veprimet e Kryeministrit të Republikës së Kosovës, Albin Kurtit, dhe tenitmin e tij për të amnistuar kriminelin e luftës, ideatorin dhe kryerësin e vrasjeve të shqiptarëve civil, Oliver Ivanoviqit:
Fëmijët e dëshmorëve të Ushtrisë Çlirimtare të Kosovës, thërrasin për protestë, me moton:
“Kryeministër, mos na shkel në gjak! Stop, devijimit të historisë!”
Protesta mbahet:
Vendi: Sheshin Skenderbeu në Prishtinë.
Data: 23 Janar 2023
Ora: 12:00
Në këtë protestë ftohen të marrin pjesë të gjithë qytetarët, pa asnjë dallim, të cilët mendojnë se heshtja ndaj veprimeve destruktive dhe të rrezikshme është po ashtu një bashkëngjitje në faj. Përmes kësaj proteste duam të tregojmë që ka ardhur koha për t`u distancuar dhe për t`i ndërgjegjësuar të gjithë përfaqësuesit tonë politikë, pa përjashtim, për më shumë kujdes, maturi dhe përgjegjësi ndaj historisë, të tashmës dhe të ardhmës së vendit tonë.
Ju mirëpresim
Këshilli organizativ! /InLajmi/
