Reshjet e shiut që kapluan qytetin e Skenderajt ditën e enjte shkaktuan vërshime në këtë qytet, i cili ka shpallur gjendje emergjente, shkruan InLajmi.
Lidhur me këto vërshime për Gazetën InLajmi ka folur shefi i zyrës për informim në këtë komunë, Amir Lushtaku.
Shefi për komunikim në Komunën e Skenderajt deklaroi se gjendja vazhdon të jetë akoma e rëndë pas reshjeve të shiut që shkaktuan vërshime në këtë komunë.
“Gjendja akoma është shumë e rëndë. Reshjet janë qetësuar kurse Shtabi Emergjent bashkë me të gjithë mekanizmat e tjerë përfshirë edhe 11 komisione për vlerësimin e dëmeve janë në terren për të vlerësuar dëmet dhe duke ju gjendur pranë qytetarëve që kanë nevojë”, deklaroi Lushtaku për gazetën InLajmi.
Më tej ai tha se dëmet materiale janë mjaft të mëdha, ku pas vlerësimit do të dihet saktë vlera e tyre. /InLajmi/
