Kryekuvendari Glauk Konjufca, ka shprehur ngushëllime për vdekjen e shkrimtares dhe ish-deputetës, Edi Shukriu, përcjell InLajmi.
Konjufca tha se vdekja e Shkriut është humbje e madhe për Kosovës, sipas tij Shukriu la gjurmë në shumë sfera në atë të letërsisë, historisë, arkeologjisë, kulturës madje edhe si mendimtare politike.
Tutje ai tha se kontributi i Shukriut është i pazëvëndësueshëm, pasi ajo dha shumë për pavarësimin e Kosovës.
Postimi i plotë i tij:
Me pikëllim të thellë e mora lajmin për vdekjen e intelektuales, arkeologes sonë të shquar, shkrimtares dhe ish deputetes, Edi Shukriu.
Ajo la gjurmë të pashlyeshme në fushën e shkencës, letërsisë, historisë, arkeologjisë, kulturës dhe mendimit politik.
Edi Shukriu dha kontribut të pazëvëndësueshëm në pavarësinë dhe zhvillimin e shtetit të Kosovës. Akademikja Shukriu njëkohësisht ishte shembulli i gjallë i gruas së angazhuar e aktiviste me pjesëmarrjen e saj në proceset kyçe nëpër të cilat kaloi populli dhe shoqëria jonë.
Trashëgimia që e la pas mbetet për t’u studiuar e kujtuar.
Ngushëllimet e mia më të sinqerta për familjen e saj, bashkëpunëtorët, për Akademinë e Shkencave dhe të Arteve të Kosovës dhe mbarë kombin shqiptar./InLajmi/
