Policia e Kosovës ka njoftuar se pas një hetimi disa javësh kanë arritur ta arestojnë një të dyshuar për trafikim me lëndë narkotike, përcjell InLajmi.
Po ashtu, janë konfiskuar edhe rreth 40 kg lëndë narkotike që dyshohet të jenë mariuhanë.
Vlera e kësaj sasie droge sipas policisë sillet rreth 80 mijë euro dhe se dyshohet se Kosova ishte vetëm vend transit kurse destinacioni ishin vendet perëndimore.
Në njoftimin e policisë thuhet se hetuesit policorë, në koordinim me organet e drejtësisë kanë realizuar Planin Operativ ‘Mjegulla’, gjatë realizimit të së cilit, në flagrancë është arrestuar i dyshuari: N.B., (viti i lindjes 1986, mashkull kosovar), i cili po transportonte me një veturë me targa vendore, substancë narkotike që dyshohet të jetë marihuanë.
Në këtë njoftim gjithashtu thuhet se gjatë kontrollimit të veturës janë gjetur rreth 40 kg substancë narkotike, e cila dyshohet të jetë e llojit marihuanë, e ndarë në 40 paketime të mbështjella me qese plastike. Vlera e kësaj sasie sillet rreth 80 mijë euro dhe dyshohet se vendi ynë ishte transit i kalimit të kësaj sasie, kurse destinacion final ishin vendet e perëndimit.
Personi i dyshuar sipas policisë është intervistuar dhe me aktvendim nga prokurori i njëjti dërgohen në mbajtje deri në 48 orë.
Njoftimi i plotë i Policisë së Kosovës:
Hetuesit policorë, në koordinim me organet e drejtësisë kanë realizuar Planin Operativ ‘Mjegulla’, gjatë realizimit të së cilit, në flagrancë është arrestuar i dyshuari: N.B., (viti i lindjes 1986, mashkull kosovar), i cili po transportonte me një veturë me targa vendore, substancë narkotike që dyshohet të jetë marihuanë.
Gjatë kontrollimit të veturës janë gjetur rreth 40 kg substancë narkotike, e cila dyshohet të jetë e llojit marihuanë, e ndarë në 40 paketime të mbështjella me qese plastike. Vlera e kësaj sasie sillet rreth 80 mijë euro dhe dyshohet se vendi ynë ishte transit i kalimit të kësaj sasie, kurse destinacion final ishin vendet e perëndimit./InLajmi/
