Ish-deputeti i Kuvendit të Kosovës Gani Geci këtë të mërkurë është nisur për në burg për ta vuajtur dënimin me burg për vrasjen e Ruzhdi Shaqirit, përcjell InLajmi.
Lajmi është bërë i ditur nga vet Geci i cili tha se për të vuajtur dënimin më kanë mbetur edhe 1 vit e 8 muaj.
Geci tha se ai tani ka te drejtë në lirim me kusht, pushim 14 ditësh dhe të gjitha benificionet e lejuara me ligj.
Postimi i tij i plotë i tij:
Të dashur miq,
Gjykata Themelore në Mitrovicë ka lëshuar URDHËRESË që unë Gani Adem Geci me vendbanim në fshatin Llaushë, komuna e Skënderajt , që me datë 04.01.2023 të paraqitem te Qendra e Paraburgimit në Prishtinë, Ajvali, për mbajtjen e dënimit me burg në kohëzgjatje prej 3 (tri) vite e 6 (gjashtë) muaj i shqiptuar me Aktgjykimin e Gjykatès Themelore në Mitrovicë P.nr.9/2018 i dt.20.08.2021 i vërtetuar me Aktgjykimin e Gjykatës së Apelit të Kosovës PAKR.nr.516/2021 i dt.29.09.2022, ku si vuajtje e dënimit më llogaritet koha e kaluar në masën e paraburgimit nga dt.22.08.2014 deri më dt.03.06.2016.
Për të vuajtur denimin më kanë mbetur edhe një vit e 8 muaj.
Duke u bazuar në Ligjin mbi Ekzekutimin e Sanksioneve Penale unë kam kaluar mbi gjysmën e vuajtjes së dënimit.
Tani kam te drejtë në lirim me kusht, pushim 14 ditësh dhe të gjitha benificionet e lejuara me ligj. /InLajmi/
