WhatsApp do të ndalojë së punuari në disa telefona që nga 31 dhjetori
WhatsApp ka vendosur të ndalojë së punuari për miliona përdorues të smartfonëve brenda pak ditësh.
Platforma e mesazheve sapo ka njoftuar se nuk do të jetë më e disponueshme në telefona të caktuar.
Ndërsa versionet e reja dhe të përditësuara të pajisjeve lëshohen çdo vit, drejtuesit e WhatsApp kanë thënë se telefonat e vjetër nuk do ta mbështesin më aplikacionin.
Për 49 telefona inteligjentë, WhatsApp nuk do të jetë i aksesueshëm nga 31 dhjetori.
Një zëdhënës i WhatsApp tha:
“Për të vazhduar me përparimet më të fundit në teknologji, ne rregullisht ndalojmë mbështetjen e sistemeve të vjetra për të mbështetur ato më të fundit.”, përcjell Alsat M.
“Nëse ndalojmë së mbështeturi sistemin tuaj operativ, do të njoftoheni dhe do t’ju kujtohet disa herë për të përmirësuar pajisjen tuaj për të vazhduar përdorimin e WhatsApp.”
