Ministrja e Drejtësisë, Albulena Haxhiu është deklaruar pas takimit të Grupit ndërministror, përcjell InLajmi.
Ajo ka komentuar rastin e rëndë që ndodhi mbrëmë, ku një 35-vjeçare shtatzënë u vra mbrëmë në oborrin e QKUK-së nga ish-bashkëshorti i saj.
Haxhiu ka akuzuar Prokurorinë për lirimin e të dyshuarit në korrik të këtij viti, pasi viktima e kishte raportuar për dhunë psikike dhe fizike po atë muaj dhe i njëjti ishte liruar me procedurë të rregullt.
Sipas saj, ky rast është papërgjegjësi institucionale dhe e prokurorit të rastit, sepse siç thekson ajo, po të ishte prokuroria në krye të detyrës, rasti i tillë mund të parandalohej.
5 ditë, 2 jetë të humbura 2 gra të vrara nga bashkëshortët e tyre. Kemi diskutuar për veprimet ndërinstitucionale dhe sipas informacioneve nga Polica e Kosovës, viktima kishte raportuar në korrik të këtij viti të dyshuarin për dhunë psikike dhe fizike dhe Prokuroria të dyshuarin e kishte liruar me procedurë të rregullt. Është një papërgjegjësi institucionale dhe e prokurorit të rastit sepse në vazhdimësi po bëjmë thirrje për mbrojtje të grave dhe vajzave” /InLajmi/
