Kryetari i Komunës së Klinës Zenun Elezaj, ka bërë të ditur se do të mbyllet për qarkullim ura në fshatin Dugajevë të Klinës, përcjell InLajmi.
Sipas, kryetarit Elezaj e gjithë kjo është bërë për shkak të gjendjes së krijuar pas reshjeve të shumta të shiut në fshatin Dugajevë dhe si shkak me qëllim të parandalimit të ndonjë aksidenti të mundshëm.
Ky veprim është zhvilluar në kordinim me Policinë e Kosovës.
Postimi i plotë i tij:
Mbyllet për qarkullim ura në fshatin Dugajevë
Pas raportimeve të qytetarëve për gjendjen e krijuar pas reshjeve të shiut në urën e fshatit Dugajevë, me qëllim të evitimit të ndonjë aksidenti të mundshëm, në koordinim me Policinë e Kosovës kemi mbyllur përkohësisht qarkullimin në urë në këtë fshat.
Kërkojmë mirëkuptimin e qytetarëve dhe apelojmë për rritjen e kujdesit në qarkullim, ndërsa ne do të vazhdojmë me marrjen e masave të nevojshme për t`ju përgjigjur kërkesave të qytetarëve dhe për parandalimin e aksidenteve të mundshme./InLajmi/
