Aksident me pasoja fatale ndodhi sot në orët e hershme të mëngjesit në magjistralen Prishtinë-Podujevë në fshatin Sibovc me 2 viktima dhe 2 të lënduar, përcjell InLajmi.
Në të njëjtën ditë rreth orës 14:00 po në të njëjtën magjistralen Prishtine-Podujevë gjegjësisht në fshatin Vranidoll ndodhi një aksident ku mbeten të lënduar 3 persona.
Aksidentin për InLajmin e konfirmoi zëdhënësja e Policisë së Kosovës për rajonin e Prishtinës Flora Ahmeti.
“Sot rreth orës 14:00 ne rrugën Prishtinë – Podujevë, saktësisht në fshatin Vranidoll, ka ndodhur një aksident trafiku në mes të një automjeti dhe një motoçiklete. Si pasojë e aksidentit 3 persona kanë pësuar lëndime trupore. Të njëjtit janë dërguar për tretman mjekësor. Me rastin po merret njësiti i trafikut”, tha Ahmeti. /InLajmi/
