Momente frike sot në aeroportin e Majemit, në Shtetet e Bashkuara të Amerikës, pasi një avion civil i kompanisë Red Air për shkak të një defekti teknik teksa po ulej në pistë, nuk arriti të frenonte duke goditur një nga kullat e vrojtimit.
Avioni, që transportonte 126 pasagjerë dhe 11 persona të personelit dhe i përkiste një kompanie të re të Republikës Dominikane, mori flakë, por fatmirësisht pasagjerët arritën të zbrisnin nga daljet e emergjencës, shkruan A2CNN.
Sipas autoriteteve amerikane, 3 prej tyre janë transportuar në spital me urgjencë, ndërkohë që të tjerët tregojnë momentet e terrorit, ndërkohë që aksidenti mund të kishte shkaktuar një bilanc shumë më të rëndë.
