Kreu i Partisë Demokratike të Kosvës, Memli Krasniqi, ka vendosur të lë në mendje dhe në zemër përgjithmonë marsin e vitit 1999, përcjell InLajmi.
Sipas tij ngjarjet e ditëve të këtij muaji janë sakrificë, dhembje por mbi të gjitha krenari dhe të tilla duhet të mbetën përgjithmonë, ai nuk ka kaluar tutje pa përmendur tmerrin e atyre ditëve pasi sipas tij në shumë fshatra të Kosovës janë parë fëmijë, gra, burra e të moshuar gjithë trupat e tyre të mbuluar më gjakë.
Krasniqi është shprehur së kjo masaker që regjimi serb e ushtroi mbi popullin ishte vetëm e vetëm pse ishte një popull i pafajshëm, shqiptar dhe mbi të gjitha kërkonin liri.
Por si përfundim ai ka thënë ishte gjaku i tyre që solli këto ditë lirie në Kosovë dhe themeloi shtetin tonë.
Postimi i plotë i tij:
Muaji Mars, në historinë e Kosovës, do të kujtohet përgjithmonë si muaji i sakrificës e i dhembjes, por edhe i krenarisë sonë të përbashkët. Sulmet, dëbimet, granatimet, vrasjet e masakrat që u bënë mbi popullsinë civile të Kosovës në javën e fundit të këtij muaji në vitin 1999, do të mbeten përjetësisht të paharruara në kujtesën tonë individuale e kolektive.
Shumë fshatra e qytete të Kosovës u mbuluan me gjakun e fëmijëve, grave, burrave e të moshuarve të pafajshëm e të paarmatosur.
Në Krushë të Madhe, Krushë të Vogël, Celinë, Fortesë, Pastasel, Izbicë, Padalishtë, Kotlinë, Randobravë, Landovicë, Llashticë, Burim, Dumnicë të Epërme, Podujevë, Dardhishtë, Keqekollë, Matiqan, Gjakovë, Mitrovicë, Suharekë, Mamushë, Beleg dhe lokalitete të tjera, u vranë mbi një mijë civilë shqiptarë.
“Krimi” i tyre i vetëm ishte që ishin shqiptarë dhe kërkonin lirinë.
Prandaj, dje, sot, nesër dhe secilën ditë tjetër që të lirë do të jetojmë në Repubikën e Kosovës, do të kujtojmë me krenari secilin që dha jetën për lirinë tonë – martirët e kësaj lirie dhe dëshmorët e Ushtrisë Çlirimtare të Kosovës.
Mbi gjakun e tyre qëndron themeli i shtetit të Kosovës.
Lavdi e nderim i përjetshëm për ta! /InLajmi/
