Në Gjilan, Policia e Kosovës ka raportuar se derisa kishin ndaluar një veturë gjatë një kontrolle rutinore dhe po merreshin me shqiptimin e një tikete, një person ka zbritur nga vetura dhe është drejtuar drejt një lokali, derisa ka fshehur një armë me 8 fishekë në tualet, përcjell InLajmi.
Tutje, policia përmes raportit 24 orësh ka njoftuar se përveç armës në veturën e ndaluar kanë gjetur edhe një sprej si dhe një pistoletë –shkrepëse të cilat janë konfiskuar.
Ndërkohë 2 personat e dyshuar janë arrestuar.
Njoftimi i plotë i Policisë së Kosovës:
Armëmbajtje pa leje
Rr. Skënderbeu , Gjilan. Njësiti policor ka ndaluar një veturë me targa vendore të cilën e drejtonte një mashkull kosovar. Deri sa zyrtaret policorë ishin duke u marrë me shqiptimin e një tikete për kundërvajtje nga vetura ka dalë pasagjeri mashkull kosovar ka hyrë në një lokal dhe në tualetin e lokalit ka fshehur një pistoletë me 8 fishekë të kalibrit 5.27×28. Në veturë janë gjetur edhe një Sprej CO2 dhe një pistoletë–shkrepës e plastikes të cilat janë konfiskuar. 2 të dyshuarit janë arrestuar dhe me vendim të prokurorit lirohen në procedurë të rregullt./InLajmi/
