Kombëtarja e Egjiptit ka arritur të kualifikohet në finalen e Kupës së Afrikës, duke triumfuar ndaj Kamerunit në penallti, pasi koha e rregullt dhe shtesa doli të jetë 0 – 0.
Ndeshja mes Kamerunit dhe Egjiptit ishte shumë interesante, por asnjëra skuadër nuk i konkretizoi rastet e shumta.
Jo vetëm koha e rregullt, mirëpo edhe në atë shtesë nuk kishte gola, kësisoj fitoren e vendosën penalltitë.
Gjatë tërë ndeshjes, Kameruni ishte skuadër më e rrezikshme dhe kishte raste më të mira, por nuk i finalizoi.
Ndërkohë, Egjipti provoi përmes disa kundërzbritje dhe shumicën e rasteve me anë të Mohamed Salah, që gjithashtu dështoi të shënoi.
Kësisoj, takimi shkoi në penallti, ku më të saktë ishin egjiptianët. Nga pika e bardhë te Kameruni dështuan Harold Moukoudi, Clinton N’Jie dhe James Lea Siliki, derisa mysafirët ishin shumë të pagabueshëm, shkruan lajmi.net.
Kështu, tani Egjipti do përballet me Senegalin në finalen e Kupës së Afrikës.
