Kryeministri i Kosovës, Albin Kurti, gjatë ditës së sotme ka pritur në takim ligjëruesen, e Teorisë Publike në Departamentin e Qeverisjes në London School of Economics, Lea Ypi, përcjell InLajmi.
Gjatë këtij takimi është diskutuar situata,sfidat dhe përvojat e qeverisjes politike mes Kosovës dhe Shqipërisë, dhe realizimin e programit dhe të arriturat e qeverisë për 9-të muaj.
Tutje është bërë e ditur që Ypi ka ardhur në Prishtinë për të promovuar librin e saj “Të lirë – Të rritesh në fund të historisë”, që aktualisht po përkthehet në 15 gjuhë.
Njoftimi i plotë i Zyrës së Kryeministrit, Albin Kurti:
Kryeministri i Republikës së Kosovës, Albin Kurti, priti në takim ligjëruesen e Teorisë Politike në Departamentin e Qeverisjes në London School of Economics, Lea Ypi, njëherësh autore e librit të posabotuar në Londër dhe në Tiranë, “Të lirë – Të rritesh në fund të historisë”.
Kryeministri Kurti dhe Ypi diskutuan mbi situatën politike në Kosovë dhe në Shqipëri, sfidat dhe përvojat e qeverisjes.
U pajtuan se orientimi progresist në të 2 shtetet duhet shprehur në reformë të thellë sociale dhe administratë publike cilësore.
Biseduan edhe për realizimin e programit dhe të arriturat e Qeverisë së Kosovës përgjatë 9-të muajve, si edhe për zhvillimet aktuale politike në Britani të Madhe, BE dhe më gjerë.
Lea Ypi ka ardhur në Prishtinë për të promovuar librin “Të lirë – Të rritesh në fund të historisë”, që aktualisht po përkthehet në 15 gjuhë.
Kryeministri Kurti e përgëzoi Ypi për suksesin që ka shënuar libri i saj që në muajin e parë të botimit dhe i dëshiroi suksese të mëtejshme. Libri trajton periudhën e viteve ‘80, para rënies së komunizmit në Shqipëri, të shikuar nga sytë e një fëmije.
Ypi është autore edhe e librave “Global Justice and Avant-Garde Political Agency” dhe “The Architectonic of Reason”, si dhe bashkëautore e disa librave të tjerë.
Libri “Migration in Political Theory” (bashkë me Sarah Fine) është renditur ndër titujt më të lexuar në katalogun e Oxford University Press. Ajo ka marrë çmim nga Akademia Britanike për ekselencë në shkencat politike. /InLajmi/
