Qeveria e Kosovës, në fund të vitit 2021 ka miratuar Koncept Dokumentin për Shtetësinë, përcjell InLajmi.
Këshilltari i presidentes të Kosovës, Artan Murati, ka bërë të ditur së shqiptarëve të Medvegjës, Preshevës e Bujanocit do u ipet mundësi të pajisen më shtetësi të Kosovës.
Për të fituar të drejtën e shtetësisë kosovare sipas tij duhet, të kenë qëndruar së paku 5 vite nga data 12 qeshor 1999 deri me datë 31 dhjetor 2021.
Ai ka theksuar faktin që shqiptarët e Luginës nuk përjashtohen asnjëherë.
Postimi i plotë i tij:
Me 29 dhjetor 2021, Qeveria e Republikës së Kosovës ka miratuar Koncept Dokumentin për Shtetësinë.
Shumë i lumtur që në këtë koncept-dokument, prej të cilit më pas do të dalë edhe Ligji i ri për Shtetësinë, është përfshirë komenti dhe propozimi i Zyres së Presidentes, i cili do t’ua mundësojë shqiptarëve nga Medvegja, Presheva e Bujanoci të pajisen me shtetësi të Republikës së Kosovës. Më konkretisht, të gjithë qytetarët nga Presheva, Medvegja dhe Bujanoci, të cilët kanë qëndruar në Republikën e Kosovës së paku 5 vite nga data 12.06.1999 deri me datë 31.12.2021, do të kenë të drejtën e fitimit të Shtetësisë bazuar në rregullimin e kornizës ligjore me këtë Koncept Dokument, ndërsa sa i përket kritereve procedurale do të rregullohet me akte nënligjore që nxirren nga Ministria e Punëve të Brendshme.
Shqiptarët e Luginës nuk do të anashkalohen asnjëherë. Koordinimi institucional është i nivelit më të lartë, dhe kjo do të sjellë rezultate pozitive. Hapi i rradhës: hartimi i projektligjit dhe më pas miratimi i tij në Kuvend. Po duket vit i mbarë në këtë drejtim. /InLajmi/
